記得上年生日, 唔駃返工.  係屋企瞓醒後就去按摩, 之後就出去同朋友食飯, 好簡單就過咗2字頭最後一個生日.

今年, 係3字頭第一個生日.  無論舊曆還是新曆...都要返工, 仲係係廠...無法啦...唔駛做咩! (我都不知幾想).

去到呢個年幾...我諗已經唔係在意點樣去過生日...而係過得開唔開心同埋身邊有咩人同你過.  雖然今年會係工作中渡過...不過無咩所謂啦, 反正第二日會同朋友食飯補返...只係希望...自己可以開開心心...今年會無失落嘅負能量出現, 咁已經好好啦.  係好大程度上, 真係好多謝我d朋友, 會記得我生日, 又會諗活動去同我過生日.  如果唔係, 相信我會好可憐, 因為要一個人過喲.

再者...唔知點解...總覺得係時候要改變一下...為自己做返d事...又或者定下什麼目標.  但係...又有咩可以改變呢? 又有咩可以做呢?  又有咩目標可以定呢?  未諗到喲...只不過係覺得...30係一個關口, 應該有d唔同.  不過...嘅然未諗到...就唔好強求啦, 諗到先萛啦.  有冇人可以俾d提議呀?