上星期, 不論新曆同舊曆, 都剛過了"3"字頭的第一個生日.
一向我既習慣係舊曆返屋企食飯. 不過今年就唔可以啦...因為要係廠...!
唔緊要啦...晚餐咪同幾個同事去食韓國燒烤, 一樣咁好.
到新曆個日, 一樣係廠(根本係無落過香港). 個日, 收到好多個電話, 好開心
最開心係身在美國既朋友第一個打來. 個日我好衰咁不停要我d同事同我講生日快樂...激死佢地. 個晚, 終於可以返來香港啦. 因為好攰...已經唔想出去食飯. 所以就返咗屋企食飯. 點知...居然有驚喜. 媽媽叫姐姐攞個蛋糕
同我慶祝啦...因為媽媽話我舊曆已經唔係香港, 新曆又放唔到假...好慘...咪攞個蛋糕law. 好感動呀!
我叫埋係隔離座個朋友仔上來一齊食蛋糕
, 哈哈...佢又買咗個迷你蛋糕呀
! 個刻, 我覺得好warm
, 好多人鍚我.
到咗星期五, 先同朋友食飯補祝生日. 地點係旺角既上樓.(唔好食, 已入blacklist). 因為唔好食, 所以再去發記食甜品. 食完好飽, 好滿足咁返屋企.
就係咁...所有有關生日既活動就完美結束. 好似好平淡, 無咩特別...不過, 平淡是褔. 都到咗呢個年幾, 依然有好朋友記得你生日, 會搵其他人一齊慶祝...已經好好.
