實在係太耐太耐無update個Blog啦.

什麼原因都好…都係籍口, 因為我每日返屋企都會online…

自己總是覺得無事忙, 好似真係好忙, 但又唔知實質上做過d咩.  每星期都重覆著返工, 放工, 返大陸, 返香港, 返屋企食飯.  星期六去街, 星期日去街…之後又係星期一啦…再來過, 不斷重覆.  休息…永遠都唔夠, 工作…永遠都係無能為力.  想改變…唔知點改好.  唔做呢份工, 係咪又做返呢行呢?  唔做呢行…要重頭來過, 可以嗎?  星期六日唔去玩, 又可以做d咩呢?  係屋企又無野做, 只係瞓覺, 一日都可以唔郁唔食…又係咪好呢?  打下打下, 連自己都覺得好悶.  不過, 我相信大部份人都係咁樣.

身邊好幾個同事係度傾買樓, 生小朋友.  呢d對我…無咩感覺.  我又唔覺得須要買樓.  係現時, 更加唔想有小朋友.  因為我既人生…大半都係我個衣櫃同屋企.  如果要我餘下三份二既人生都為咗層樓, 小朋友…咁我都唔知點萛好.  可能, 依家佢地唔係我目標.  我只希望過得好好地, 自己舒舒服服.  不過, 如果有一日我遇到個可以令我想有自己既家, 自己既小朋友既人…都可能係唔錯.  就萛放棄少少自己既生活…都可能值得.  因為佢應該會填補你失去既野.  呢個人…係邊呢?  唔知呀…可能係好近又或者好遠.  一日未到嗰個moment, 都唔好去諗.  因為只會浪費時間.

另外, 幫朋友攪婚禮…發覺如果有朝一日我會結婚.  一定要有錢.  因為要俾人攪.  自己攪…實在痴線.  叫朋友幫, 會累死d朋友.  所以都係要有$$先…如果唔係…結完一定元氣大傷. 

暫時到呢度...希望唔好再咁懶, update下個Blog啦.